#Sabtu_Tema - Februari - Udan Wulan Pebruari - Heru Patria - Sastra Indonesia Org

Gumebyaring lintang ing langit wengi

Madangi jagad sirna ing sepi

Jalaran udan tan kena prei

Yen wis tumibo wulan Pebruari

Mendung sing tansah gumantung

Ndadeke ati tansaya bingung

Jalaran diri wis nandang wuyung

Manismu agawe aku gandrung

Dak sawang netramu kang bening

Karakit asmamu winates eling

Saumpama kembang sliramu melati

Tansah dak sayang tumekaning pati

Lumantar angin kang semribit

Pebruari karipta dadi gurit

Mrih sliramu tumapak jiwa

Nyawiji sajeroning rasa tresna

Tembe yen Pebruari wis tanpa udan

Ora bakal aku lali dalan

Jangkahku mung tumuju sliramu

Tresnaku bakal tansah tinuhu

Najan udan saiki wis terang

Nanging tresnaku ora bakal ilang

Blitar, 9 Pebruari 2019

Biodata:

Heru Patria adalah penulis dari Blitar yang telah mengawali karier menulis sejak masa sekolah. Saat ini sudah 31 judul bukunya diterbitkan baik secara indie maupun mayor. Penulis saat ini tinggal di Bogangin RT/ RW: 01/ 06. Kel. Bajang, Kec. Talun, Kab. Blitar. Nomor kontak 0857 8414 5106. Facebook Heru Patria. Instagram @heru.patria.54.